Plantun de Prouvènço

Pèr coumpara dos planto d'encò nostre

Vaccaria hispanica & Ervilia hirsuta

Vaccaria hispanica

Caryophyllaceae

Noms en français : Vachère, Saponaire des vaches.

Descripcioun :
Lou cauril-sauvage trachis dins li meissoun e lis ermas. Ié dison qu'es uno arqueoufito que nous vèn d'Anatolìo desempièi de siècle emé li gran de blad. Emé la criblo se vèi de mens en mens aleva en Auto Prouvènço. Se recounèis eisadamen à si flour roso pourtado pèr de long pecou e à si fueio verdalo e en lanço.

Usanço :
Es esta cultiva en mescladisso emé lou blad e la luserno pèr li vaco, que parèis qu'èi bono pèr ié faire veni lou la. Aquesto prouprieta se retrovo encò de la femo e toco tout ço qu'es en raport emé la femenita (enmenagogo, enflamacioun di teté, analgesico). Tout acò èi bessai de vèire emé la formo de la flour (principe di signaturo). Se dis peréu qu'èi vertuouso pèr la circulacioun dóu sang.

Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Vaccaria
Famiho : Caryophyllaceae

Coulour de la flour : Roso
Petalo : 5
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à juliet

Liò : Meissoun - Champ - Ermas
Estànci : Termoumediterran à Mountagnard
Couroulougi : Subrecousmoupoulito
Ref. sc. : Vaccaria hispanica (Mill.) Rauschert, 1965

Vesso(-agarrussido)

Ervilia hirsuta

Fabaceae Leguminosae

Nom en français : Vesce hérissée.

Descripcioun :
Aquelo vesso primo, dóu gènre Ervilia, trachis dins lis ermas, li tepiero e bos clar, nimai trop proche de la mar, nimai en auto mountagno. Es uno planto peludo emé de fueio de 4 à 10 paréu de fuioun e de flour blanco mistoulino un pau bluio.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 20 à 70 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Ervilia
Famiho : Fabaceae
Famiho classico : Leguminosae

Ordre : Fabales

Coulour de la flour : Blanco
Petalo : irreguliero
Ø (o loungour) flour : 2 à 4 mm
Flourido : Printèms

Sòu : Si (Ca)
Autour basso e auto : 0 à 1600 m
Aparado : Noun
Abriéu à jun

Liò : Tepiero - Bos clar - Ermas
Estànci : Termoumediterran à Mountagnard
Couroulougi : Paleoutemperado
Ref. sc. : Ervilia hirsuta (L.) Opiz, 1852 (= Vicia hirsuta L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Vaccaria hispanica & Ervilia hirsuta

ges

Coumpara Cauril-sauvage emé uno autro planto

Coumpara Vesso(-agarrussido) emé uno autro planto